XX. mendeko Euskararen Corpus estatistikoa

Testuingurua

(...) giroa (ideia) azkarregi eta bat batean aldatzea ere kaltegarria da.

Horregatik artzain gehienek abuztua baino lehen ez dituzte gaztak menditik jaisten 4. 1979. urtean Ligoletako artzainek txabolako gaztak herrira uztailaren hasieran ekarri zituzten. Gaztak ontzen ari ziren eta batzuk ez ziren ongi lehortu. Artzainek beren gaztak turistek harrapatuko zituzten beldur zirelako jaitsi zituzten.

Mendiko gaztak egin eta ontzeaz egindako ikerketan galdera batzuk egin ziren jaio berriei buruz.

Etxean umeak zaintzeaz emakumeak bakarrik arduratzen diren bezalaxe (hori emakumeen arloa da), gaztak olan gizonak baizik ez ditu kudeatzen eta zaintzen (gizonen arloa da).

Hortik lehen galdera ondorioztatzen da: jaio berriak ere gutxi erabili eta gela berean eduki behar al dira lehen hiru hilabeteetan?

Eta bigarren galdera gaztarena bezalaxe umearen hezurdura hegitatziaz sendotu egiten bazen, giroa erabat eta bat batean aldatzen bazaio umearentzat oso kaltegarri izango al da?

Emakumeek lehen galderari baiezkoa erantzun zioten, baina zalantza zuten bigarrenari erantzuteko.

Txabolan ontzen direneko garaian, gaztak egunero zentimetro batzuk desplazatzen dira eta arreta handiz konturatu naiz ezkerretik eskuinera (erloju-orratzen norantzan) eta beheko apaletik hurrengo gainekora mugitzen direla.

(Adierazia dudanez, goia orratzek esferan dituzten higidurarekin lotuta dago usadiozko errotazio guztietan: ogi bedeinkatuarenean eta artzainen joan-etorrietan).

Egin bezain pronto, mendiko gazta atetik eskuinera dagoen beheko apalean ipintzen da (...)